ოზურგეთის საკრებულოს თანამდებობის პირების ხელფასების გარდა, იზრდება დეპუტატების ხარჯების ანაზღაურებაც. აღნიშნულის შესახებ სამანდატო-საპროცედურო და იურიდიულ საკითხთა კომისიის თავმჯდომარემ მარიკა ჩხიკვიშვილმა განაცხადა.
”წარმოგიდგენთ პროექტს , რომელიც ეხება ოზურგეთის საკრებულოს წევრის მიერ მოვალეობის შესრულებასთან დაკავშირებული ხარჯების ანაზღაურების ზღვრული ოდენობის განსაზღვრის შესახებ პროექტს, რომელიც ვფიქრობ თითოეული წევრისთვის მნიშვნელოვანია. …პროექტი შედგენილია მოქმედი კანონმდებლობის შესაბამისად, აღნიშნული ხარჯის ანაზღაურების ოდენობა იყო 935 ლარი და გახდება 1050 ლარი. აღნიშნული ცვლილება გამოწვეულია საკრებულოს წევრის მოვალეობის შესრულებასთან დაკავშირებით მოქმედი ხარჯთაღრიცხვის შეუსაბამობით საკრებულოს წევრის მიერ ფაქტობრივად გაწეული ხარჯების დონესთან. მე დარწმუნებული ვარ, თქვენ, საკრებულოს თითოეული წევრი, გაცილებით მეტს აკეთებთ და ამიტომ ძალიან მნიშვნელოვანია ამ ხარჯების შესაბამისი ანაზღაურება.” – განაცხადა მარიკა ჩხიკვიშვილმა.
Loading ...