დღეს გავრცელებული ინფორმაციით, შესაძლოა საქართველოს განათლების მინისტრი მიხეილ ჩხენკელი შეიცვალოს. ამის შესახებ ინფორმაცია საპარლამენტო უმრავლესობისა და მთავრობის გუშინდელი გაერთიანებული შეხვედრის შემდეგ გავრცელდა.
ცვლილება ჯერ ოფიციალურად არ დასტურდება, თუმცა ის რომ ამ შეხვედრაზე განათლების მინისტრის საკითხზე ისაუბრეს, ადასტურებს გიორგი ვოლსკი.
განათლების მინისტრის კანდიდატზე საუბარი იყო , – განაცხადა პარლამენტის პირველმა ვიცე-სპიკერმა, გია ვოლსკიმ.
გია ვოლსკიმ განმარტა, რა საკითხებს ეხებოდა გუშინ, ბორჯომში გამართული უმრავლესობის სხდომა და აღნიშნა, რომ სამუშაო შეხვედრაზე ცალკეულ პიროვნებებთან დაკავშირებით იყო საუბარი.
„გუშინდელ შეხვედრაზე ნებისმიერ მიმდინარე თემებზე საუბარი გვქონდა. პოლიტიკური პროცესების გარდა, არის მთელი რიგი საკითხები, რომელიც საგანგებოდ მნიშვნელოვანია. მაგალითად: სოციალური საკითხები – მთის კანონთან დაკავშირებით ვისაუბრეთ, ასევე, ცალკეულ პიროვნებებთან დაკავშირებით, განათლების მინისტრის კანდიდატზე საუბარი იყო, მე არაფერს არ ვადასტურებ სანამ ამის თაობაზე პრემიერ-მინისტრი განცხადებას არ გააკეთებს“, – განაცხადა ვოლსკიმ.
ჯერჯერობით არ ვრცელდება ინფორმაცია თუ ვინ სეიზლება შეცვალოს ჩხენკელი.
Loading ...