24 თებერვლიდან რუსეთის მიერ უკრაინაში შეჭრიდან დღემდე, 474 მშვიდობიანი მოქალაქეა მოკლული. CNN-ის ინფორმაციით, ამის შესახებ საუბარია გაეროს ადამიანის უფლებათა უმაღლესი კომისრის ოფისის მიერ გაკეთებულ განცხადებაში. ამავე მონაცემების თანახმად, გარდაცვლილთა შორის არის 29 ბავშვი.
კონფლიქტის შედეგად, დაშავებულია 861 ადამიანი.
გაეროს ოფისში განაცხადეს, რომ ზუსტი რაოდენობა, სავარაუდოდ, გაცილებით მეტი იქნება, რადგან მრავალი ინფორმაცია დადასტურებას საჭიროებს.
„ეს ეხება, მაგალითად, ქალაქ ვოლნოვახას, მარიუპოლს, იზიუმს, სადაც საუბარია ასობით მსხვერპლზე მშვიდობიან მოსახლეობას შორის. ეს ციფრები ზუსტდება და არ არის მოყვანილი ზემოხსენებულ სტატისტიკაში“, – ნათქვამია ინფორმაციაში.
დონეცკისა და ლუგანსკის სეპარატისტულ რეგიონებში გაეროს მიერ დარეგისტრირებულია 545 მსხვერპლი, მათგან 96 მოკლულია, 449 – დაჭრილი.
ამავე მონაცემების მიხედვით, მსხვერპლი სამოქალაქო მოსახლეობას შორის დაფიქსირებულია ასაფეთქებელი ნივთიერებების გამოყენებით, რომელიც დიდ ფართობზე იწვევს მსხვერპლს, ასევე მძიმე საარტილერიო და სარაკეტო სისტემებით, რაკეტებითა და ავიადარტყმებით.
Loading ...
