გადაიყვანეთ მიხეილ სააკაშვილი უცხოეთში სამკურნალოდ – ამ მოთხოვნით ,,ნაციონალური მოძრაობის” წევრები ერეკლეს მოედანზე, მმართველი პარტიის მთავარ ოფისთან, აქციას მართავენ.
ყველაზე დიდი ოპოზიციური პარტიის ახალგაზრდული ფრთის წარმომადგენლები საქართველოს მესამე პრეზიდენტის სიცოცხლის დაცვის უფლებას ითხოვენ.
მთავარი მიზეზი იმისა, რატომ მოვედით აქ, არის ის, რომ მთელი ცივილიზებული სამყარო თანხმდება, ,,ოცნება” და ბიძინა ივანიშვილი საქართველოს მესამე პრეზიდენტის მიმართ ჩადის უკვე არაადამიანურ მოპყრობას, წამებას. ეს დადასტურდა ევროპარლამენტარების მიერ გავრცელებულ დოკუმენტშიც.
,,ქართული ოცნება” ყველაფერს აკეთებს იმისთვის, რომ ევროპული მომავალი წაგვართვას.
კარგად ვხედავთ, რა მძიმე მდგომარეობაში იმყოფება მიხეილ სააკაშვილი. მას ესაჭიროება გადაუდებელი მკურნალობა – აცხადებენ ,,ენმ”-ს ახალგაზრდული ფრთის წარმომადგენლები.
,,ქართული ოცნების” ოფისთან პოლიციაა მობილიზებული.
Loading ...