წელს დისტანციურ სწავლაზე გადასულ პირველკლასელებს სასაჩუქრე ბუქები ოზურგეთში არ მიუღიათ. სახალხო დამცველის წარმომადგენელი გურიაში, თამარ ოგანოვა ამბობს, რომ სახალხო დამცველმა ჯერ კიდევ 2020 წლის ანგარიშში, აქცენტები იმაზე გააკეთა ,რომ განათლებისა და მეცნიერების სამინისტრომ პანდემიიდან გამომდინარე რისკები სრულად ვერ შეაფასა და არსებულ გამოწვევას ადეკვატურად ვერ უპასუხა. ოზურგეთის საგანმანათლებლო რესურსცენტრის დირექტორი, ლელა იმედაშვილი ახცადებს, რომ მისი უწყება აღნიშნულ თემასთან დაკავშირებით პასუხისმგებელი არ გახლავთ, რადგან ეს მათ კომპეტენციებს სცდება. ინფორმაციის სახით კი გვეუბნება, რომ ტენდერში გამარჯვებული კომპანია ბუქებს მუნიციპალიტეტებს ეტაპობრივად აწვდის. სამწუხაროდ ოზურგეთიც იმ მუნიციპალიტეტში მოხვდა, რომლებსაც ბუქები ჯერჯერობით არ მიუღია. ,,გურია TV’’ -მ კი სატელეფონო კომენტარის მიღება სცადა განათლებისა და მეცნიერების სამინისტროს საზოგადოებასთან ურთიერთობის სამსახურისგან, თუმცა მათ ჩვენ ზარებსა და სმს შეტყობინებებს არ უპასუხეს.
Loading ...