ხერსონიდან რუსული ჯარების გაყვანა გამოწვეულია დნეპრის დასავლეთ სანაპიროზე ძალების მხარდაჭერის შეუძლებლობით და უკრაინის შეიარაღებული ძალების დარტყმების გამო. უკან დახევა რამდენიმე დღე გაგრძელდება, რა დროსაც რუსული ძალები განსაკუთრებით დაუცველი იქნებიან. ინფორმაციას ბრიტანული დაზვერვა ავრცელებს.
როგორც შეჯამებაშია აღნიშნული, 9 ნოემბერს თავდაცვის მინისტრმა სერგეი შოიგუმ ბრძანება გასცა რუსეთის ჯარების გაყვანის დნეპრის დასავლეთ სანაპიროდან.
უკრაინაში რუსული ძალების სარდალმა გენერალმა სერხი სუროვიკინმა დაადასტურა, რომ ისინი მდინარე დნეპრის გასწვრივ თავდაცვით პოზიციებზე გადადიან.
ბრიტანული დაზვერვის თანახმად, რუსეთი ცდილობს, შეინარჩუნოს თავისი ძალები დნეპრის დასავლეთ სანაპიროზე, რუსეთის მიწოდების მარშრუტებზე უკრაინელების მიერ დარტყმის საფრთხე იყო. უკან დახევის დროს რუსულმა ჯარებმა გაანადგურეს რამდენიმე ხიდი და სავარაუდოდ, დანაღმეს ტერიტორია უკრაინული ძალების წინსვლის შენელებისა და შეფერხების მიზნით.
„ხერსონის დასავლეთ სანაპიროს დაკარგვა, დიდი ალბათობით, ხელს შეუშლის რუსეთს გააცნობიეროს თავისი სტრატეგიული სურვილი შექმნას სახმელეთო ხიდი, რომელიც მიდის ოდესაში“, – მიიჩნევს ბრიტანეთის თავდაცვის სამინისტრო.
დაზვერვის ცნობით, რუსული ძალები დაუცველები იქნებიან მდინარე დნეპრის გადაკვეთისას.
Loading ...