დიდმა ბრიტანეთმა საკარანტინე ქვეყნების ჩამონათვალს იტალია, მათ შორის ვატიკანიც დაამატა. ცვლილებები ძალაში 18 ოქტობრიდან შევა, შესაბამისად მოქალაქეებს -კვირიანი საკარანტინე პერიოდის გავლა მოუწევთ. ამის შესახებ ინფორმაციას BBC-ი ავრცელებს.
როგორც გამოცემა წერს, დიდი ბრიტანეთის მთავრობამ ეს გადაწყვეტილება მას შემდეგ მიიღო, რაც იტალიაში ბოლო დღეების განმავლობაში კორონავირუსით ინფიცირებულთა რაოდენობამ 8 000 გადააჭარბა.
გამოცემის მიხედვით, იტალიამ გაამკაცრა კორონავირუსის გამო დაწესებული აკრძალვები და პირბადეების გამოყენება სავალდებულო გახადა როგორც დახურულ, ასევე ღია სივრცეში. ქვეყანამ ასევე აუცილებელი გახადა კორონავირუსზე ტეტირება ყველა მოქალაქისათვის, რომელიც იტალიაში ნიდერლანდებიდან, დიდი ბრიტანთიდან, ბელგიიდან ან ჩეხეთიდან მოხვდებიან.
აღსანიშნავია, რომ მიმდინარე კვირას დიდი ბრიტანეთის საკარანტინე ქვეყნების ჩამონათვალს სხვა ქვეყნები არ დამატებია. რაც შეეხება გასულ კვირას, საკარანტინე ქვეყნების ჩამონათვალში მოხვდა საბერძნეთი, პოლონეთი, თურქეთი და კარიბის კუნძულები.
Loading ...