დიდი ბრიტანეთის მარეგულირებელი მოსახლეობას Pfizer/BioNTech-ის ვაქცინის გაკეთებისას სიფრთხილისკენ მოუწოდებს. შესაბამისი განცხადება უწყებამ მას შემდეგ გაავრცელა, რაც აღნიშნული ვაქცინის გაკეთების შემდეგ ორ ადამიანს ალერგიული რეაქცია გამოუვლინდა. ინფორმაციას ამის შესახებ The Financial Times-ი ავრცელებს.
გამოცემის მიხედვით, დიდი ბრიტანეთის ჯანდაცვის სისტემის მუშაკებს, რომელთაც აცრა გაუკეთეს, ალერგიული რეაქცია ჰქონდათ; შესაბამისად, მოქალაქეებმა, ვისაც მკვეთრად გამოხატული ალერგია აქვს წამლებსა და საკვებზე, არ უნდა გაიკეთონ კორონავირუსის საწინააღმდეგო აცრა.
“ეს ჩვეულებრივი ამბავია, როდესაც საქმე ახალ ვაქცინებს ეხება“, – განაცხადეს დიდი ბრიტანეთის მედიკამენტების მარეგულირებელ უწყებაში.
მათივე ინფორმაციით, იმ ადამიანების სიცოცხლეს, რომელთაც კორონავირუსის საწინააღმდეგო ვაქცინის გაკეთების შემდეგ ალერგიული რეაქცია გამოუვლინდათ, საფრთხე არ ემუქრება.
შეგახსენებთ: დიდ ბრიტანეთში კორონავირუსის ვაქცინაციის პროცესი 8 დეკემბერს დაიწყო.
https://www.ft.com/content/239c768f-9f0d-46d4-8e86-f6944914003f
www.bm.ge
Loading ...
