ბრიტანეთის დაზვერვა – რუსეთი უკრაინის სეპარატისტულ რეგიონებში უკრაინული შენაერთების ალყაში მოქცევაზე კონცენტრირდება, რათა ხარკოვისა და მარიუპოლისკენ გააგრძელოს მოძრაობა

რუსი ოკუპანტები დონბასში უკრანულ შეიარაღებული ძალების ალყაში მოქცევას ცდილობენ , – აღნიშნულ ინფორმაციას ბრიტანეთის შეიარაღებული ძალები ავრცელებს.

როგორც დიდი ბრიტანეთის თავდაცვის უწყებამ „ტვიტერში“ განაცხადა, ბრიტანული დაზვერვის ინფორმაციით, რუსეთის შეტევა მოსალოდნელია ხარკოვისა და მარიუპოლის მხრიდან.

„როგორც ჩანს, რუსეთის ძალები იმაზე კონცენტრირდება, რომ უკრაინის აღმოსავლეთში არსებულ სეპარატისტულ რეგიონებში მყოფი უკრაინული შენაერთები ალყაში მოაქციოს, რათა ჩრდილოეთით ხარკოვის და სამხრეთით მარიუპოლის მიმართულებით მოძრაობა გააგრძელოს“, – ნათქვამია ბრიტანეთის თავდაცვის სამინისტროს განცხადებაში.

ამასთან, ინფორმაციაში აღნიშნულია, რომ უკრაინის ჩრდილოეთით ოკუპანტის პოზიციები, ძირითადად, ადგილზე რჩება და უკრაინელთა კონტრშეტევები რუსებს ძალების რეორგანიზებაში ხელს უშლის.