ჩოხატაურში ჯგუფური ძალადობის ბრალდებით დაკავებულ ოთხივე პირს გირაო შეეფარდა

დაბა ჩოხატაურში ფიზიკური დაპირისპირების საქმეზე დაკავებულ 4 პირს მოსამართლემ გირაო შეუფარდა. მიუხედავად იმისა, რომ პროკურორმა ოთხივე დაკავებულის მიმართ აღკვეთის ღონისძიების სახით პატიმრობა მოითხოვა, რათა მისი განცხადებით არსებობს მათი მიმალვის ან მოწმეებზე ზემოქმედების რისკი, მოსამართლე თორნიკე კაპანაძემ არ გაიზიარა ბრალდების მხარის პოზიცია და ოთხივე დაკვებულს 7000-7000 ლარის ქონებით უზრუნველყოფილი გირაო შეუფარდა. მოსამართლემ ბრალდებულებს დავით მჟავანაძესთან მიახლოება აუკრძალა.

პროკურორ ლევან კლდიაშვილის განცხადებით, გადაწყვეტილება ქუთაისის სააპელაციო სასამართლოში გასაჩივრდება.