ბორჯომში მომხდარ ავარიას ლანჩხუთის „გურიას“ ყოფილი ფეხბურთელი ემსხვერპლა

წუხელ დაახლოებით 01:00 საათზე ბორჯომის შესასვლელთან ავარია მოხდა. ერთმანეთს „ტოიოტას“ მარკის ავტომობილი და ტრაილერი შეეჯახა, შემთხვევის შედეგად, მსუბუქ ავტომობილში მყოფი 5 მგზავრიდან ორი ადამიანი გარდაიცვალა, სამი კი დაშავდა.

გარდაცვლილთა შორისაა 29 წლის ზურა გელაშვილი _ საქართველოს ახალგაზრდული ნაკრებებისა და ლანჩხუთის „გურიას“ ყოფილი ფეხბურთელი. ჯერ კიდევ 17 წლის პერსპექტიულ მცველს ქუთაისის „ტორპედოში“ შემადგენლობაში ქვეყნის მთავარ ლიგაში ჰქონდა დებიუტი, მერე ასევე უმაღლესლიგელ „რუსთავში“ გადავიდა, მალევე კი ლანჩხუთის კლუბში ჩაირიცხა და მის რიგებშიც პროლიგაში ასპარეზობდა. მიუხედავად იმისა, რომ კარიერაზე ფიქრობდა და შეთავაზებებიც ჰქონდა, კლუბს ქვედა ლიგაშიც უერთგულა.

ამჟამად, ზურა გელაშვილი ახალციხეში „ქართული ოცნების“ ახალგაზრდულ ორგანიზაციას ხელმძღვანელობდა.

წყარო: „გურია თუდეი“