ბიძინა ივანიშვილი: „“ამ თემას არ ვეშვები … ქართული სუფრა ადამიანის ყოფითი ცხოვრების ყველაზე დიდი მონაპოვარია“

„ყველაზე წარუმატებელი კაცი პოვებს უდიდეს სიყვარულს ქართულ სუფრაზე და აუცილებლად ხდება ბედნიერი“ – განაცხადა „ქართული ოცნების“ თავმჯდომარემ, ბიძინა ივანიშვილმა ანზორ ერქომაიშვილის სამეცნიერო ნაშრომის პრეზენტაციაზე. ნაშრომი, რომელიც ქართული კულტურული მემკვიდრეობის კვლევას ეხება, ფონდმა „ქართუმ“ დააფინანსა.

ბიძინა ივანიშვილმა თქვა – “ამ თემას არ ვეშვები და მე მგონია, რომ სწორი მიგნება მაქვს – ის, რომ საქართველო ღვინის სამშობლოა და ამავდროულად, პოლიფონიის სამშობლოა, არაფერი შემთხვევითი არაა“. მისი აზრით, „ჩვენი ცივილიზაციის ყველაზე დიდი მონაპოვარი“ სწორედ ქართული სუფრა და თამადობის ტრადიციაა.

ბიძინა ივანიშვილს ქართული სუფრის მნიშვნელობაზე მანამდეც ულაპარაკია. 1 ნოემბერს, თამაზ ტყემელაძის იუბილეზე მან თქვა, „ჩვენი ცივილიზაციის ყველაზე დიდი მიღწევა არა კოსმოსური ხომალდები და დიდი გამოგონებები, არამედ ქართული სუფრააო“

www.radiotavisupleba.ge