ბელგიაში, ანტვერპენის ზოოპარკში ორ ბეჰემოტს კოვიდ 19 დაუდასტურდა. თანამშრომლების განცხადებით, ეს ამ სახეობაში ვირუსის დაფიქსირების პირველი შემთხვევაა.
14 წლის იმანის და 41 წლის ჰერმიენს ცხვირზე გამონაყარის გარდა სიმპტომები არ აქვთ, მაგრამ ზოოპარკის ადმინისტრაციამ უსაფრთხოების მიზნით ორივე ბეჰემოტი კარანტინში გადაიყვანა.
„ჩემი ინფორმაციით, ეს პირველი შემთხვევაა, როცა კოვიდი ამ სახეობაში დაფიქსირდა. მთელ მსოფლიოში, ეს ვირუსი ამ დრომდე ძირითადად დიდ მაიმუნებსა და კატებში ვლინდებოდა. – განაცხადა ზოოპარკის ვეტერინარმა, ფრენსის ვერკამენმა.
ითვლება, რომ კორონავირუსი გადადის ადამიანიდან ცხოველზე და ასევე პირიქითაც, ცხოველიდან – ადამიანზე.
შინაური ცხოველები, მათ შორის კატები და ძაღლები დაინფიცირდნენ პატრონებთან კონტაქტის შემდეგ, ხოლო ზოოპარკის შემთხვევები დაფიქსირდა დიდ კატებში, წავებთან და პრიმატებში. ადაავადება ასევე გავრცელდა გარეულ ცხოველებზე, მათ შორის ირემზე.
ანტვერპენის ზოოპარკი ამჟამად ვირუსის გავრცელების მიზეზებს იკვლევს.
Loading ...