13 დეკემბერს, აშშ-ს მიერ ბელარუსულ კალიუმზე სანქციების მოხსნის სანაცვლოდ, ბელარუსიდან 100-ზე მეტი პოლიტიკური პატიმარი გაათავისუფლეს, მათ შორის რამდენიმე გავლენიანი პირი. ამის შესახებ ინფორმაციას უკრაინული მედია ავრცელებს.
გათავისუფლებულთაგან 114 უკრაინაში გადაიყვანეს. მათ შორის არიან ცნობილი ოპოზიციონერი ფიგურები — პოლიტიკუტი აქტივისტი მარია კალესნიკავა და 2020 წლის სადავო არჩევნების ყოფილი პრეზიდენტობის კანდიდატი ვიქტორ ბაბარიკა. გაათავისუფლეს ასევე ნობელის პრემიის ლაურეატი მშვიდობის დარგში ალეს ბიალიაცკი.
როგორც უკრაინის სამხედრო დაზვერვის სააგენტო HUR-ის საჯარო განცხადებაშია აღნიშნული, სანქციები ბელარუსში 123 პოლიტიკური პატიმრის, მათ შორის 5 უკრაინის მოქალაქის გათავისუფლების სანაცვლოდ მოიხსნა.
პრეზიდენტ ვოლოდიმირ ზელენსკის თქმით, მინსკმა კიევს სადაზვერვო არხებით აცნობა, რომ მზად იყო პატიმრები არა ევროკავშირის რომელიმე ქვეყანაში, არამედ უკრაინაში გადაეყვანა.
უკრაინის მთავრობის პროექტის, “მინდა ვიცხოვროს” მიერ გამოქვეყნებული სრული სიის მიხედვით, ტყვეობიდან გათავისუფლებულ ბელარუსის მოქალაქეებს შორის არიან ყოფილი პოლიტიკოსი პაველ სევიარინეცი, პოლიტიკური ანალიტიკოსი ალექსანდრე ფედუტა და ჟურნალისტი მარინა ზოლოტოვა. არსებული ინფორმაციით, გაათავისუფლეს ავსტრალიის მოქალაქეც.
ზელენსკიმ განაცხადა, რომ უკრაინის მოქალაქეების გათავისუფლება შესაძლებელი აშშ-ის ჩართულობის, ასევე უკრაინისა და აშშ-ის სადაზვერვო სამსახურებს შორის თანამშრომლობის წყალობით გახდა.
პრეზიდენტმა ასევე განაცხადა, რომ მან HUR-ს და ტყვეებთან მოპყრობის საკოორდინაციო შტაბის სხვა ორგანოებს დაავალა, გააძლიერონ ძალისხმევა წლის ბოლომდე უკრაინელი ტყვეების გათავისუფლების უზრუნველსაყოფად.
Loading ...