ბახმაროში წელს ზვავმა 20-ზე მეტი სახლი დაანგრია

წელს ბახმაროში ზვავმა 20-ზე მეტი სახლი დაანგრია. კურორტის ადმინისტრაციის ინფორმაციით, ზვავმა სახლები ზამთარში პიონერის ქუჩაზე დაანგრია.

ზვავის შედეგის ამსახველი ფოტოები ფეისბუქზე ვრცელდება:

სტიქიის შედეგების შემსწავლელი კომისია ჩოხატაურის მერიაში ჯერ შექმნილი არ არის. დაეხმარება თუ არა დაზარალებულებს მუნიციპალიტეტი, ეს აღნიშნულმა კომისიამ უნდა განსაზღვროს.

3 მაისის მდგომარეობით, ზვავი რამდენიმე ადგილზე ჩამოწოლილია ბახმაროში მისასვლელ გზაზეც, რის გამოც მოძრაობა შეწყვეტილია.

„ამ წუთებშიც გრძელდება გზის გაწმენდა შესაბამისი ტექნიკით. ზუსტად როდის გაიხსნება გზა – 5 თუ 10 დღეში – ამის განსაზღვრა ამ დროისთვის რთულია. რაც შეეხება დიდთოვლობით თუ ზვავის გამო დანგრეულ სახლებს, დაზუსტებული ინფორმაცია ამ დროისთვის არ გვაქვს“ – გვითხრა შალვა ცინცაძემ, ჩოხატაურის მერის წარმომადგენელმა ბახმაროს ადმინისტრაციულ ერთეულში.