ბახმაროში, ზღვის დონიდან 2000 მეტრის სიმაღლეზე, ავტომატური მეტეოროლოგიური სადგური დამონტაჟდა.
გარემოს დაცვისა და სოფლის მეურნეობის სამინისტროს, გარემოს ეროვნული სააგენტოს ჰიდრომეტეოროლოგიის დეპარტამენტის ინფორმაციით, სადგური უზრუნველყოფს მეტეოროლოგიური პარამეტრების, ატმოსფერული წნევის, ჰაერის ტემპერატურისა და სინოტივის, ნალექების რაოდენობის, ქარის სიჩქარისა და მიმართულების უწყვეტ რეჟიმში გაზომვას და მონაცემების ონლაინ რეჟიმში გადაცემას.
“მეტეოროლოგიური სადგურებიდან მიღებული მონაცემები კი, ხელს შეუწყობს ამინდის პროგნოზების ხარისხის გაუმჯობესებას და მოსალოდნელი სტიქიური მეტეოროლოგიური და ჰიდროლოგიური მოვლენების შესახებ გაფრთხილებების დროულად მომზადებასა და გავრცელებას.
ბახმაროს მეტეოროლოგიური სადგურიდან მიღებული მონაცემები აისახება მსოფლიო მეტეოროლოგიური ორგანიზაციის ინფორმაციის გაცვლის გლობალურ ქსელში, რაც საქართველის საერთაშორისო ნაკისრი ვალდებულებების შესრულებას გულისხმობს.
ამასთან, წლის ბოლომდე დაგეგმილია საქართველოს სხვადასხვა რეგიონებში კიდევ სამი ახალი მეტეოროლოგიური სადგურის დამონტაჟება”, _ აცხადებენ სამინისტროში.
Loading ...
