”ერთიანი ნაციონალური მოძრაობის” მაჟორიტარი დეპუტატობის კანდიდატი ასკანა-ძიმითი-ნაგომრის მაჟორიტარულ ოლქში, შალვა თავდიშვილი აცხადებს,რომ პირველმა ტურმა ამომრჩევლის მოსყიდვის და დაშინების ფონზე ჩაიარა, თუმცა მეორე ტურის გამარჯვებაში მაინც დარწმუნებულია და მისი არჩევის შემთხვევაში მოსახლეობას ყველა მნიშვნელოვანი პრობლემის გადაჭრას პირდება.
‘საარჩევნო კამპანია ძალიან უთანასწორო პირობებში მიდიოდა. მოსყიდვაზე დაიხარჯა უამრავი თანხა. ოთხ წელიწადში ერთხელრომ ახსენდებათ ამომრჩეველი, ესაა პრობლემა. მოსყიდვის ფაქტები დადასტურებული იყო ყველაფრით, მაგრამ ჩვენს ქვეყანაში ეს ახალი ამბავი არ არის. ამის მიუხედავად, დარწმუნებული ვარ, რომ ამ ბრძოლაში ”ქართული ოცნება”აუცილებლად დამარცხდება. აგერ არის 30 ოქტომბერი და მთელი საქართველო დაინახავს, რომ ”ქართული ოცნების” მარცხი არის გარდაუვალი.
მეორე ტურის კამპანიაც იგივე პირობებში მიდის. მიმდინარეობს ხალხის მასიური დაშინება, როგორც სამხედრო პირების, ასევე ბაღის აღმზრდელების, მასწავლებლების და ა.შ. აბსოლუტურად ყველას დაშინება მიმდინარეობს, ცდილობენ, რომ რაღაცნაირად ხალხს ”ქართული ოცნებისთვის” მიაცემინონ ხმა, მაგრამ დარწმუნებული ვარ, ოზურგეთის მოსახლეობა სადაც მეორე ტურია, ყველგან არჩევანს გააკეთებს ოპოზიციის სასარგებლოდ.
ჩემი არჩევის შემთხვევაში, მოსახლეობას ვპირდები გვერდში დგომას, თანადგომას. ვპირდები, რომ აუცილებლად შეიცვლება ყველაფერი უკეთესობისკენ. ადამიანი სოციალური დახმარების მოხსნის შიშით სამუშაოსაც რომ აღარ ეძებს, ეს ყველაფერი მოიხსნება. ვპირდებით მოსახლეობას რომ ყველაფერს გავაკეთებთ მათზე მორგებულად, მოსახლეობა იქნება ძალიან, ძალიან კმაყოფილი ყველაფრით, რასაც ჩვენი ხელმძღვანელობაში მოსვლით გააკეთებს ოპოზიციური ძალები.” – აცხადებს შალვა თავდიშვილი.
Loading ...