ევროპული საქართველოს ერთერთი ლიდერის, გიგი უგულავას, ადვოკატის თქმით, 10 თებერვალს უზენაესი სასამართლო უგულავას საქმეზე გადაწყვეტილებას გამოაცხადებს.
ბექა ბასილაიას თქმით, მათ აქვთ ეჭვი, რომ უზენაეს სასამართლოში დანიშნულმა შალვა თადუმაძემ მიიღო პოლიტიკური დავალება და ის უგულავასთვის თავისუფლების აღკვეთის გადაწყვეტილებას მიიღებს.
“უზენაეს სასამართლოში უვადოდ გამწესებულმა მოსამართლეებმა უკვე მიიღეს პირველი პოლიტიკური დავალება,” – თქვა ბექა ბასილაიამ საქალაქო სასამართლოსთან გამართულ ბრიფინგზე.
ბასილაიას თქმით, საქმეზე გადაწყვეტილება ზეპირი მოსმენის გარეშე გამოცხადდება ისე, რომ მოსამართლეების, მერაბ გაბინაშვილის და შალვა თადუმაძისგან, შემდგარი კოლეგია გიგი უგულავასა და მისი ადვოკატის პოზიციებს არ მოისმენენ.
საქმე ე.წ ფონდის საქმეს ეხება. ბასილაიას თქმით, ეს არის საქმე, რომელიც საქალაქო და სააპელაციო სასამართლოში ისე დასრულდა, რომ უგულავას სასჯელი მოხდილად ჩაეთვალა.
“დღეს, როდესაც ამ სასამართლომ განაახლა ეს საქმე, ჩვენ გვაქვს ეჭვი, რომ დავალება არის მიცემული თადუმაძისთვის, რომ გიგი უგულავას თავისუფლება იქნეს აღკვეთილი,”- ამბობს ბექა ბასილაია.
Loading ...
