წელს როგორც იქნა სპორტულამ ფეხსაცმელმა პოზიციები დათმო და მოდაში ისევ «ბალეტკები» და «ქალურობა» დაბრუნდა. მოდის მიმდევრების მზერა, ახლა უკვე ელეგანტურ და დახვეწილ ფეხსაცმელზეა მიპყრობილი… და რა ანიჭებს ქალს ყველაზე მეტად გრაციოზულობას, თუ არა ყველასთვის საყვარელი ბალეტკები?
«ბალეტკები» — მოსახერხებელი და პრაქტიკული ფეხსაცმელია ცხოვრების, თითქმის, ყველა სიტუაციისთვის. ძალიან მაღალი გოგონებისთვის — ის ნამდვილი აღმოჩენა და გადარჩენაა. და კიდევ, ეს ფეხსაცმელი ძალიან დახვეწილია. თითქოს მისთვის სამოსის შეხამება რთული არ არის, მაგრამ აღმოჩნდა, რომ «ბალეტკების» ტარებასაც აქვს თავისი წესები:
ფეხი მიწიდან, რაც შეიძლება ზევით უნდა იყოს
ბალეტკები სრულიად ბრტყელი ძირით ძალიან მალე ცვდება და ფუჭდება. გარდა ამისა, ის ქალს სიარულის სტილს ამახინჯებს და სასაცილოს ხდის. ხოლო, ლანჩა, რომლის სიმაღლე 0, 5 სმ. მაინც არის და პატარა ზომის ქუსლიც აქვს, მდგომარეობას რადიკალურად ცვლის.
არანაირი წინდა და კოლგოტი
თუ ბალეტკების ჩაცმას აპირებთ, დაივიწყეთ წინდა და კოლგოტი — ბალეტკებს ტარება მხოლოდ შიშველ ფეხზე შეიძლება! ამიტომ, ეს ფეხსაცმელი გვიან გაზაფხულზე ან ადრე შემოდგომაზე უნდა ჩაიცვათ (ზოგიერთ ქვეყანაში, ზაფხულშიც შეიძლება, მაგრამ ჩვენთან, – არა).
არასპორტული საქციელი
მიუხედავად იმისა, რომ დღეს სხვადასხვა სტილის შერევის ტენდენცია არსებობს, სპორტულ სტილთან ბალეტკების ჩაცმა მაინც არ არის რეკომენდირებული.
წვეტიანი ცხვირი
თუ არჩევანს წვეტიან და მომრგვალებულ ცხვირს შორის აკეთებთ, უპირატესობა პირველს მიანიჭეთ. ასეთი სტილის ფეხსაცმელი, ვიზუალურად, ფეხებს და ფიგურას აგრძელებს და უფრო დახვეწილად გამოიყურება, ვიდრე მომრგვალებულ ცხვირიანი.
ყურადღება მიაქციეთ მის მდგომარეობას
თუ პატარა ნაკაწრი, საყვარელი ფეხსაცმლის ქუსლზე, დიდი ხნის მანძილზე შეუმჩნეველი რჩება, ბალეტკების გაცვეთილი ძირი ყოველთვის თვალშისაცემია და ადამიანის დაუდევრობაზე მეტყველებს.
დაივიწყეთ გრძელი, იატალამდე სამოსი
იატაკამდე ქვედაბოლო ან განიერ შარვალი და ბალეტკები — საუკეთესო შეხამება არ არის. ასეთი კომბინაცია ადამიანს ვიზუალურად ადაბლებს. ერთადერთი გამონაკლისი, შეიძლება იყოს მინი–ქუსლიანი წვეტიანი ბალეტკები, ისიც მხოლოდ შარვალთან ერთად.
ლაკონიური სილუეტი
«მოტკეცილი» და ლაკონიური სილუეტი — ოპტიმალური ვარიანტია ბალეტკებთან კომბინაციისთვის. ხოლო, უფრო გადატვირთული სამოსისთვის, შედარებით «რთული» ფეხსაცმლის შერჩევა იქნება უკეთესი.
დაუმატეთ აქსესუარები და სამკაული
დიდი ზომის ბეჭდები, მასიური მძივი და განიერი ქამარი, ბრტყელი ბალთით, ძალიან უხდება უბრალო და მსუბუქ ბალეტკებს.
საქმიანი კოსტიუმი და ბალეტკები — «წყვილი» არ არის
საქმიან კოსტუმთან ბალეტკების ჩაცმა არავითარ შემთხვევაში არ შეიძლება. ნავი, ლოფერი, ოქსფორდი და ბოტასებიც კი, უფრო კარგი არჩევანი იქნება საოფისე სამოსთან, ვიდრე ბალეტკები.
საღამოს სამოსზე — მხოლოდ ქუსლიანი ფეხსაცმელი
ბალეტკები — ყველა გაგებით საუკეთესო ფეხსაცმელია, მაგრამ საღამოს სამოსთან ერთად, მისი ჩაცმა არ შეიძლება. უკეთესია, თუ ამ შემთხვევისთვის, ქუსლიან ფეხსაცმელს შეარჩევთ, თუნდაც ის სუპერდაბალი ქუსლით იყოს;
და ბოლოს, ამ სტილის ფეხსაცმელმა მოდერნიზები განიცადა და ახლა უკვე, შეგიძლიათ თასმიანი «ბალეტკებიც» შეიძინოთ.
Loading ...