ამერიკის საპრეზიდენტო არჩევნების შედეგების ეტაპობრივი გამოცხადების პარალერულად, დემოკრატმა პრეზიდენტობის კანდიდატმა ჯო ბაიდენმა, საკუთარ მხარდამჭერებს, დელავერის შტატის ქალაქ უილმინგტონიდან სიტყვით მიმართა.
„მე ოპტიმისტურად ვარ განწყობილი“, – თქვა მან. მან აღნიშნა, რომ „დარწმუნებულია“, რომ ის შტატ არიზონას მხარდაჭერას მიიღებს. მან ასევე აღნიშნა, რომ “კარგადაა განწყობილი” მიჩიგანის და უისკონსინის მოგების შეასახებ.
„შეინარჩუნეთ რწმენა“, – მოუწოდა მან თავის მხარდამჭერებს. „ჩვენ ამ [არჩევნებს] მოვიგებთ”, – თქვა მან.
დემოკრატიული პარტიის კანდიდატმა მხარდამჭერებს მიმართვისას, თქვა, რომ ცნობილი იყო, რომ არჩევნების ღამეს შედეგების გამოცხადების პროცესი დიდ დროს წაიღებდა. „მე მჯერა ჩვენ ვდგავართ ამ არჩევნების მოგების გზაზე“, – თქვა მან.
განცხადება გააკეთა „ტვიტერზე“ პრეზიდენტმა ტრამპმაც, რომელიც სავარაუდოდ, ამომრჩეველს მოგვიანებით მიმართავს.
„ჩვენ წინ მივდივართ, მაგრამ ისინი ცდილობენ არჩევნების მოპარვას. ჩვენ ამის უფლებას არ მივცემთ მათ. ხმის მიცემა არ უნდა ხდებოდეს, საარჩევნო უბნების დახურვის შემდეგ“, – თქვა მან.
2020 წლის არჩევნებზე, შედეგების გამოცხადების გაჭიანურება, რეკორდული რაოდენობის ამომრჩევლის მიერ, ხმის ფოსტით და ადრეულად მიცემამ სესაძლოა განაპირობოს.
www.amerikiskhma.com
Loading ...