ბაიდენის ვიზიტის დღეს პიტსბურგში ხიდი ჩაინგრა

აშს-ს ქალაქ პიტსბურგში, პენსილვანიის შტატში ხიდი პარასკევს დილით, პრეზიდენტ ბაიდენის ვიზიტამდე რამდენიმე საათით ადრე ჩაინგრა. ბაიდენის პიტსბურგში ვიზიტი ინფრასტრუქტურული პროგრამის ფარგლებში იყო დაგეგმილი, რომლის დროსაც აშშ პრეზიდენტი ქვეყანაში მოძველებული ინფრასტრუქტურის განახლების აუცილებლობაზე ამახვილებს ყურადღებას.

ადგილობრივი ხელისუფლების ცნობით, ხიდის ჩანგრევისას სულ მცირე ათი ადამიანი დაშავდა. ჯერჯერობით უცნობია, რამ გამოიწვია ნგრევა.

თეთრი სახლის განცხადებაში ნათქვამია, რომ პრეზიდენტ ბაიდენს ინციდენტის შესახებ აცნობეს. ის განაგრძობს მოგზაურობას და დაუკავშირდება ოფიციალურ პირებს დამატებითი დახმარების შესახებ.

„ჩვენი გუნდი კონტაქტშია სახელმწიფო და ადგილობრივ ოფიციალურ პირებთან ადგილზე, ისინი აგრძელებენ ინფორმაციის შეგროვებას ნგრევის მიზეზის შესახებ“, – დაწერა თეთრი სახლის პრესმდივანმა ჯენ ფსაკიმ (Jen Psaki) Twitter-ზე. „პრეზიდენტი მადლობას უხდის მაშველებს, რომლებმაც პირველებმა გაუწიეს დახმარება იმ დროს ხიდზე მყოფ მძღოლებს.