ბათუმში 2 ავარია მოხდა, ერთი დაშავებული კლინიკაში გადაიყვანეს

ორი ავტოსაგზაო შემთხვევა მოხდა ბათუმში დღეს, 27 სექტემბერს, ფრიდონ ხალვაშის გამზირზე. ამის შესახებ ინფორმაციას გამოცემა “ბათუმელები” ავრცელებს.

ორივე შემთხვევაში ერთმანეთს ორი მსუბუქი ავტომანქანა შეეჯახა.

ავარიის შედეგად, რომელიც დილით, დაახლოებით 8 საათისთვის მოხდა, ერთი დაშავებული კლინიკაში გადაიყვანეს. შსს-ს ინფორმაციით დაწყებულია გამოძიება.

მეორე ავარიის შედეგად კი, თვითმხილველის თქმით, არავინ დაშავებულა.

ადგილზე იმყოფება საპატრულო პოლიცია.

ავტოსაგზაო შემთხვევის გამო ხალვაშის გამზირზე ტრანსპორტის მოძრაობა შეფერხებული იყო.