ბათუმში საცხოვრებელი სახლი დაიწვა

ბათუმში, ხანძრის შედეგად ორსართულიანი სახლი დაიწვა. შემთხვევისას დაიწვა საყოფაცხოვრებო ნივთების დიდი ნაწილი, არავინ დაშავებულა.

ინფორმაციას გამოცემა “აჭარა თაიმსი” ავრცელებს.

გამოცემის ცნობით, მაშველებმა ცეცხლის ლოკალიზება დროულად ვერ შეძლეს, რადგან სახლი კორპუსების ალყაში იყო მოქცეული, რის გამოც, სახანძრო მანქანის ახლოს მიყვანა შეუძლებელი გახდა.

შემთხვევა ხიმშიაშვილის, პუშკინისა და თაყაიშვილის ქუჩების მიმდებარედ მოხდა. ამ ეტაპზე უცნობია ხანძრის გამომწვევი მიზეზი.