პოლიციამ ბათუმში მიმდინარე საპროტესტო აქციაზე გამოცემა ბათუმელების დირექტორი მზია ამაღლობელი დააკავა.
ბათუმელების ინფორმაციით, მზია ამაღლობელი დააკავეს კედელზე პლაკატის გაკვრის გამო, რომელზეც ეწერა – “იფიცება საქართველო”.
ბათუმელების ინფორმაციითვე, პოლიციამ ბათუმში მიმდინარე აქციაზე დაახლოებით 10 აქტივისტი დააკავა.
გამოცემის ცნობით, დაკავებების სერია დაიწყო საპროტესტო მსვლელობისას, როცა პოლიციამ დააკავა აქციის ერთ-ერთი მონაწილე თათია აბულაძე. ბათუმელების ცნობითვე, სამართალდამცავებმა დაკავების მიზეზად დაასახელეს ის, რომ აქციის მონაწილემ ერთ-ერთ პოლიციელს ტანსაცმელზე სტიკერი მიაკრა წარწერით – “გაიფიცე”.
კომენტარები
Loading ...