ბათუმში, კლინიკაში დედამ ახალშობილის მკვლელობა სცადა – ექიმის ინფორმაციით, ჩვილს დაზიანებები ყელის არეში აქვს მიყენებული

ბათუმის ერთ-ერთ კლინიკაში კლინიკის სანიტარმა, საპირფარეშოში იმშობიარა, რის შემდეგაც ახალშობილს დაზიანებები მიაყენა და მის მოკვლას ცდილობდა. არსებული ინფორმაციით, შემთხვევა გამთენიისას მოხდა. ახალშობილის ჯანმრთელობის მდგომარეობა მძიმეა.

კლინიკა “მედინას” ექიმმა, ჯუმბერ უნგიაძემ განაცხადა, რომ ქალს ფსიქიატრიული შემოწმება უტარდება.

„საპირფარეშოში შესულა და უმშობიარია….ჰქონია მცდელობა, ნუ, მკვდარია ეს ბავშვი, ყელი აქვს გამოღადრული. არ გამოვიდა საპირფარეშოდან და ამ ბავშვსაც, ქალსაც უამრავი სისხლის ჰქონდა დაკარგული, მერე ერთი ამბავი ატყდა. ბავშვი არის ცოცხალი, მაგრამ ფაქტობრივად, ყელი აქვს გამოღადრული. შეიძლება ტრაქეაც იყოს დაზიანებული. ფსიქიატრს დავუძახეთ, დაცვა დავაყენეთ, რომ თავი არ მოიკლას“, – განაცხადა ექიმმა “ტვ. პირველთან”.