ბათუმის ყოფილ მერს, გიორგი ერმაკოვს 7 წლიანი პატიმრობა მიესაჯა – გადაწყვეტილება ბათუმის საქალაქო სასამართლომ მიიღო. მოსამართლე დავით მამაისეიშვილმა ჩათვალა, რომ განზრახ თანხის გაფლანგვაში ბრალი ყოფილ მერს მიუძღვის.
რაც შეეხება ამავე საქმეზე დაკავებულ სხვა პირებს, ეგასლარ ლომაძეს სასამართლომ გულგრილობისთვის ჯარიმა და წელიწადი და 6 თვე მიუსაჯა. უდანაშაულოდ იცნო არჩილ ვანაძე.
ბათუმის მერიის 7 მაღალჩინოსანი პროკურატურამ, 30 მაისს, „იაფი სახლის“ საქმის გამო დააკავა. დაკავებულებს შორის, ბათუმის ყოფილ მერს, გიორგი ერმაკოვს, 1 მილიონ 370 ათასი ლარის გაფლანგვას ედავებიან. ამ საქმის 4 ფიგურანტი ბაგრატ მანველიძე, ბექა ხალვაში, თენგიზ პეტრიძე და ვლადიმერ ხინთიბიძე მოსამართლემ გირაოს სანაცვლოდ გაათავისუფლა.
გიორგი ერმაკოვი, არჩილ ვანაძე და ერგასლან ლომაძე კი დავით მამისეიშვილის გადაწყვეტილებით წინასწარპატიმრობაში დარჩნენ.
სამსახურებრივი მდგომარეობის გამოყენებით, დიდი ოდენობით სახელმწიფოს კუთვნილი ფულადი თანხის მართლსაწინააღმდეგო გაფლანგვის და სამსახურებრივი მდგომარეობის ბოროტად გამოყენების ფაქტებზე, 7 პირი, სპეცოპერაციით დააკავეს.
ajaratv.ge
Loading ...