სწავლის დაწყება და მეცადინეობის დამღლელი პროცესი განუყოფელია. ბავშვების არც თუ მცირე ნაწილი აპროტესტებს სამეცადინოდ დაჯდომას, განსაკუთრებით, უმცროსკლასელები. რა გამოსავალი არსებობს ამ დროს, როგორ გადავალახინოთ ბავშვს ეს რთული პერიოდი.
სწორად ორგანიზებული გარემო და რეჟიმი მნიშვნელოვნად ამარტივებს ამ საქმეს. მნიშვნელოვანია, რომ მშობელი მხარში დაუდგეს შვილს, თუმცა მის მაგივრად, რა თქმა უნდა, არ უნდა დაწეროს. ქვემოთ მოცემულია რვა სასარგებლო რჩევა, რომლებიც დაგეხმარებათ ამ პროცესის გამარტივებაში.
1. შეარჩიეთ სწორი ადგილი
გაითვალისწინეთ ბავშვის ხასიათი და საჭიროებები. ზოგი ბავშვი მარტო მუშაობას ამჯობინებს, ზოგი კი კომფორტულად გრძნობს თავს, როდესაც ოჯახის წევრები ახლოს არიან. მთავარია, რომ სამუშაო მაგიდასთან ყველა საჭირო ნივთი ხელთ ჰქონდეს. თუ საკუთარი სამუშაო მაგიდა აქვს, სასურველია მასში სათავსო უჯრები იყოს. ხოლო თუ სამზარეულოს მაგიდასთან მუშაობს, გამოიყენეთ პატარა კალათი ან კედელზე ჩამოსაკიდი ორგანიზატორი.
2. დაგეგმეთ კვირა წინასწარ
ასწავლეთ ბავშვს, როგორ შეადგინოს გეგმები. მაგიდაზე დაკიდებული კალენდარი ან საკუთარი ხელით გაკეთებული ფერადი დღის რეჟიმი დაეხმარება დავალებების გადანაწილებაში. შეგიძლიათ მასში ბავშვის ნახატებიც შეიტანოთ, რათა სასწავლო პროცესი უფრო შემოქმედებითი გახდეს.
3. მოიცილეთ ზედმეტი ნივთები
სუფთა და მოწესრიგებული გარემო ხელს უწყობს კონცენტრაციას. სამუშაო მაგიდაზე დატოვეთ მხოლოდ განათება და საჭირო ნივთები, დანარჩენი კი ჩაყარეთ ყუთებში ან საქაღალდეებში. კომპიუტერი შეიძლება დასჭირდეს, მაგრამ გამოიყენეთ მხოლოდ მაშინ, როცა ეს აუცილებელია.
4. შეარჩიეთ მარტივი ავეჯი
კლასიკური მაგიდა და სკამი პრაქტიკული და ხანგრძლივი არჩევანია. თუმცა, შეგიძლიათ ოთახი გაალამაზოთ ფერადი პუფით ან ბავშვის ინტერესების შესაბამისი სკამით, მაგალითად — ბურთის ფორმის. ასეთი დეტალები გარემოს უფრო საინტერესო გახდის.
Loading ...