”ბავშვს თავის უკანა მხარე ფაქტიურად ამძვრალი აქვს” – საზარელი შემთხვევა ოზურგეთში, ქუჩის ძაღლმა ორი ბავშვი დაკბინა

ოზურგეთის მუნიციპალიტეტის სოფელ მერიაში ძაღლმა ორი მცირეწლოვანი დაკბინა. 5 წლის და 2,7 წლის ბავშვებს, რომლებიც ძმები არიან, თავს ქუჩის ძაღლი დაესხა. განსაკუთრებით მძიმეა უმცროსი ბიჭუნას მდგომარეობა. ის ქუთაისში გადაიყვანეს მაგრამ მდგომარეობის სიმძიმის გამო საბოლოოდ ოპერაცია დღეს თბილოსში იაშვილის კლინიკში უკეთდება. შემთხვევა გუშინ მოხდა, როგორც ცნობილია, ბავშვთან ერთად დედა იმყოფებოდა, როცა მათ ძაღლი დაესხა თავს. თვითმხილველების თქმით, ცხოველი მეტისმეტად აგრესიული იყო. მან ბავშვის დაკბენა მოახერხა და ამ დროს დედა-შვილს მეზობელი მიეშველა. მაშინ როცა მცირეწლოვანი ოზურგეთის კლინიკაში გადაიყვანეს, ამ დროს ძაღლი ბავშვის უმცროს ძმას, 2,7 წლის ბიჭუნას დაესხა თავს და უმძიმესი დაზიანებები მიაყენა. მისი გადარჩენა მეზობელმა შეძლო, რომელმაც ბავშვი უგონო მდგომარეობაში იპოვა და ძაღლის მისგან მოგერიება მოახერხა. მცირეწლოვანს თავის ქალაზე და კისრის მიდამოებში მძიმე დაზიანებები აქვს მიყენებული.