ცინარიძეების ოჯახი უკვე მრავალი წელია უკიდურეს სიღარიბეში ცხოვრობს. ოჯახს სამი შვილი ჰყავს, რომელთა შეძლებისდაგვარად გამოკვებასაც ბაზარში მუშაობის შედეგად ახერხებს, მაგრამ სახლი, რომელშიც ცხოვრობენ, უმძიმეს მდგომარეობაშია.
ყოველი წვიმის დროს სახურავიდან წყალი ჩამოდის და საწოლები სველდება, სახლში იმდენად დიდი ნესტია, ბავშვებს ჯანმრთელობის პრობლემები შეექმნათ და ამის გამო ერთ-ერთი მცირეწლოვანი ღამეს მეზობელთან ათევს.
ცინარიძეების მდგომარეობით შეწუხებულები არიან მეზობლებიც. ოჯახს მაქსიმალურად ეხმარება ყველა, მაგრამ აქაურ სიღატაკეს ვერ ერევიან.
როგორც ხათუნა ცინარიძე ამბობს, ხელისუფლება სამშენებლო მასალით დაეხმარა, თუმცა ახალი სახლის აშენების შესაძლებლობა მათთვის მიუწვდომელია, არსებული შენობა კი რემონტს აღარ ექვემდებარება.
ხელისუფლება დაეხმაროს ცინარიძეების ოჯახს ახალი საცხოვრებლის აშენებაში ან შეძენაში – ესაა ჭანიეთის ამ უბნის ყველაზე დიდი თხოვნა, რომელიც მათ ხელისუფლების მიმართ აქვთ.
Loading ...