“ახალ სეზონზე ახალი სერია იწყება, მიხეილ სააკაშვილი პრემიერად” – ირაკლი ქადაგიშვილი

“ნაციონალური მოძრაობის” თავმჯდომარის, ლევან ხაბეიშვილის ინიციატივას – მიხეილ სააკაშვილის პრემიერ მინისტრად დანიშვნაზე, მმართველი პარტიის წევრები არასერიოზულს უწოდებენ და განვითარებულ მოვლენებს ტელე-სერიალს ადარებენ.

ირაკლი ქადაგიშვილი თქმით, “ენმ-ს სერიალმა მაყურებელი დაკარგა”:

“რომ იტყვიან ამ სერიალის ახალი სეზონი. წინა სეზონი იყო, მოწამლეს, მოკლეს, აწამეს, აშიმშილეს. ამ სერიალმა თავის მაყურებელი დაკარგა საზღვარგარეთაც და ქვეყნის შიგნითაც. ახალ სეზონზე ახალი სერია იწყება, მიხეილ სააკაშვილი პრემიერად, ვნახოთ ამ სერიალ სადამდე ექნება სიცოცხლისუნარიანობა. მე აღარ ვაფასებ სერიოზულად მის პრემიერ მინისტრობას” – ამბობს პარლამენტის საპროცედურო საკითხთა და წესების კომიტეტის თავმჯდომარე, ირაკლი ქადაგიშვილი.

ლევან ხაბეიშვილმა დიანა ტრაპაიძის “დღის ამბებში” მიხეილ სააკაშვილის პრემიერ-მინისტრად  დასახლება არ გამორიცხა, ჟურნალისტის რამდენჯერმე დასმული კითხვის საპასუხოდ  ხაბეიშვილმა თქვა, რომ სააკაშვილის როლი არჩევნებში დიდი იქნება.