ემიგრანტმა ჟურნალისტმა იტალიაში, ხათუნა შარაძემ ახალი საემიგრაციო მედიაპლატფორმა Aprioritv.com დააფუძნა. საემიგრაციო მედიის მიზანი ემიგრანტების ინფორმირებულობა გახლავთ ყველა იმ საჭირო საკითხის ირგვლივ, რომელიც ემიგრაციაში მყოფი ქართული დიასპორისთვის მნიშვნელოვანია. Aprioritv.com ემიგრანტ მკითხველს, მიმღებ ქვეყანაში არსებულ საკანონმდებლო, საემიგრაციო და შრომის კოდექსით გათვალისწინებული საკითხებისადმი ამომწურავ ინფორმაციას სთავაზობს. შეგახსენებთ, რომ დღესდღეობით იტალიის რესპუბლიკაში ყველაზე მეტი ქართველი ემიგრანტი იმყოფება. თუმცა აღნიშნული მედია იმუშავებს არა მხოლოდ იტალიაში მცხოვრები ემიგრანტებისთვის, არამედ საქართველოს ყველა მოქალაქისთვის, რომლებიც მუშაობისა თუ სწავლის მიზნით სხვადასხვა ქვეყანაში იმყოფებიან. apriori.tv-ს ვებგვერდსა და ფეისბუქ პლატფორმაზე გამოქვეყნდება, როგორც საემიგრაციო ტიპის სიახლეები და რჩევები, ასევე პოლიტიკური, კულტურული, გასართობი და სხვა სახის მასალები.
ხათუნა შარაძე, რომელმაც აღნიშნული მედია-პლატფორმა დააფუძნა, იტალიაში ოჯახთან ერთად უკვე ექვსი წელია ცხოვრობს და ამ ხნის მანძილზე ემიგრანტების ინფორმირებას და მათ დახმარებას სხვადასხვა მიმართულებით წარმატებით ახორციელებს.
კომენტარები
Loading ...
