ახალი კვლევების მიხედვით, კორონავირუსზე იმუნიტეტი რამდენიმე თვე ნარჩუნდება– CNN

არიზონას უნივერსიტეტი ახალი კვლევების შედეგების შესახებ აცხადებს. მათი განცხადებით, კორონავირუსზე იმუნიტეტი რამდენიმე თვე და შეიძლება უფრო დიდხანსაც გაგრძელდეს. ამის შესახებ ინფორმაციას CNN-ი ავრცელებს.

როგორც გამოცემა წერს, ახალი კვლევებით ადამიანები, რომლებმაც კორონავირუსი გადაიტანეს, იმუნიტეტის გამომუშავების საფუძველზე რამდენიმე თვე დაცულები არიან. ამის საფუძველზე შეგვიძლია ვივარაუდოთ, რომ კორონავირუსის საწინააღმდეგო ვაქცინამ მხოლოდ რამდენიმე თვე შეიძლება დაიცვას ადამიანები.

კვლევების მიხედვით, იმუნიტეტი დაახლოებით ხუთიდან შვიდ თვემდე გრძელდება.

„ჩვენი დაკვირვებით ანტიგენები, რომლებიც კორონავირუსით დაინფიცირების შემდეგ ჩნდება, დაახლოებით ხუთიდან შვიდ თვემდე გრძელდება“, – განაცხადა არიზონას უნივერსიტეტის სამედიცინო კოლეჯის იმუნობიოლოგმა დიფტა ბათაჩარიამ.

ცნობისთვის, იმუნობიოლოგის განცხადებით, უნივერსიტეტი დაკვირვებებს მოხალისეებზე 30 აპრილიდან აწარმოებს.