აჭარის ტელევიზიისა და რადიოს თანამშრომლების პასუხი კორონავირუსზე უარყოფითია.
თანამშრომლების ტესტირების აუცილებლობა მას შემდეგ გახდა, რაც ერთ-ერთ თანამშრომელს Covid-19 დაუდასტურდა. ინფიცირებულთან ახლო კონტაქტში მყოფ რამდენიმე პირი გუშინ კარანტინში გადაიყვანეს.
შეგახსენებთ, უსაფრთხოების მიზნით, ტელევიზია დაკეტილი იყო. აჭარის საზოგადოებრივი მაუწყებლის ეთერით საქართველოს პირველი არხის ტრანსლირება ხდებოდა.
ეპიდემიოლოგების მეთვალყურეობით მიმდინარეობდა, როგორც ინფიცირებულის კონტაქტების დადგენა, ასევე მისი ინფიცირების წყაროს მოძიება.
გუშინ ღამით ტელევიზიისა და რადიოს შენობებს დეზინფექცია ჩაუტარდა.