აშშ-ში ჩასვლა სავარაუდოდ „სინოფარმითა“ და „სინოვაკით“ აცრილ უცხოელებსაც შეეძლებათ

„ვაშინგტონ პოსტის“ ცნობით, ნოემბრიდან აშშ-ში ჩასვლა სავარაუდოდ „სინოფარმითა“ და „სინოვაკით“ აცრილ უცხოელებსაც შეეძლებათ. როგორც გავლენიანი ამერიკული გამოცემა წერს, აშშ ნოემბრიდან აპირებს, გაუხსნას კარი საერთაშორისო მოგზაურებს, თუმცა აშშ-ში ჩასვლისთვის აუცილებელი იქნება ვაქცინაციის დამადასტურებელი საბუთის წარდგენა.

ამასთან, „ვაშინგტონ პოსტის“ ცნობით, აშშ-ში ჩასვლას შეძლებენ მხოლოდ ის უცხოელები, ვინც აშშ-ის მედიკამენტების სააგენტოს ან ჯანდაცვის მსოფლიო ორგანიზაციის მიერ ავტორიზებული ვაქცინით არიან აცრილები. „ფაიზერისა“ და „მოდერნას“ გარდა, ასეთი ვაქციებია ჩინური „სინოვაკი“ და „სინოფარმი“.

ამასთან,  „სპუტნიკით“ აცრილი უცხოელები აშშ-ში ჩასვლას სავარაუდოდ ვერ შეძლებენ.