ფლორიდის შტატის უნივერსიტეტში მომხდარი სროლის შედეგად ორი ადამიანი დაიღუპა, ექვსი კი დაშავდა. მათ შორის, დაჭრილია თავდამსხმელი. დაშავებულები საავადმყოფოში გადაიყვანეს.
როგორც პოლიციაში განმარტავენ, გარდაცვლილთა შორის სტუდენტები არ არიან. გავრცელებული ინფორმაციით, სავარაუდო თავდამსხმელი 20 წლის ახალგაზრდა კაცია და ის პოლიციის ოფიცრის შვილია. შემთხვევის ადგილზე ნაპოვნი ერთ-ერთი იარაღი სწორედ ოფიცერს ეკუთვნოდა.
სავარაუდო თავდამსხმელი ამჟამად საავადმყოფოში მკურნალობს, მაგრამ პოლიციის მეთვალყურეობის ქვეშ იმყოფება. ფლორიდის შტატის უნივერსიტეტმა სტუდენტებს აცნობა, რომ საფრთხე კამპუსისთვის „ნეიტრალიზებულია“.
თავდასხმის მოტივი ჯერ უცნობია.
კომენტარები
Loading ...