აშშ-ში სამი ალპინისტი ტრაგიკულად დაიღუპა

აშშ-ში, ვაშინგტონის შტატში, ჩრდილოეთ კასკადებში, მთიდან ჩამოსვლის დროს 3 მთამსვლელი დაიღუპა და ერთი დაშავდა. ინფორმაციას CNN-ი ავრცელებს.

პოლიციის ინფორმაციით, ალპინისტების აღჭურვილობა მთიდან ჩამოსვლის დროს მწყობრიდან გამოვიდა, რის გამოც ისინი ხრამში ჩავარდნენ.

პოლიციამ 3 ადამიანის დაღუპვა დაადასტურა. მათვე ცნობით, მეოთხე პირმა, რომელიც დაშავდა, შეძლო და ადგილზე მაშველები გამოიძახა. შერიფის ოფისის ცნობით, გარდაცვლილები არიან 36, 47 და 63 წლის პირები.

ალპინისტების უბედური შემთხვევის დროს North Early Winters Spire-ის რაიონში იმყოფებოდნენ.