ამერიკის ტექსასის შტატის ქალაქ უაიტ-სეტლმენტის ეკლესიაში სროლის შედეგად ერთი ადამიანი დაიღუპა და ერთი დაიჭრა. ადგილობრივი პოლიციის ინფორმაციით, თავდამსხმელს საპასუხო ცეცხლი გაუხსნა მრევლის ორმა წარმომადგენელმა, რომლებსაც თან იარაღი ჰქონდათ. თავდამსხმელი მიყენებული ჭრილობების შედეგად გარდაიცვალა. მისი ვინაობა და დანაშაულის მოტივი ჯერჯერობით უცნობია.
უაიტ-სეტლმენტის ეკლესიაში ტრაგიკული შემთხვევა 29 დეკემბერს მოხდა. ერთი დღით ადრე, ნიუ-იორკის მახლობლად, დანით შეიარაღებულმა პირმა 5 ადამიანი დაჭრა რაბინის სახლში, სადაც ხანუქის დღესასწაულს აღნიშნავდნენ. ეჭვმიტანილი დაკავებულია.
კომენტარები
Loading ...