აშშ უკრაინას დამატებით $270 მილიონის ღირებულების სამხედრო დახმარებას გამოუყოფს. მათ შორის, დამატებით 4 ახალი მობილობის საარტილერიო-სარაკეტო სისტემას, HIMARS-ს გადასცემს.
“რუსეთმა უკრაინას სასიკვდილო დარტყმები მიაყენა. მთელი ქვეყნის მასშტაბით, რუსეთმა დაარტყა სავაჭრო ცენტრებს, მრავალსართულიან სახლებს, დახოცა უდანაშაულო უკრაინელი მშვიდობიანი მოქალაქეები. ამგვარი სისასტიკის წინაშე, პრეზიდენტმა ნათლად აჩვენა, რომ აშშ იქამდე გააგრძელებს უკრაინის მხარდაჭერას, სანამ ეს მას დასჭირდება”. – თქვა თეთრი სახლის პრესსპიკერმა, ჯონ კირბიმ.
თეთრი სახლის ცნობით, ახალი სამხედრო დახმარების პაკეტი Phoenix Ghost-ს, მცირე ზომის და მაღალ პორტატულ 500 დრონს მოიცავს, რომელიც სამიზნეზე ფეთქდება. გარდა ამისა, პაკეტში 36 000 ათასი საარტილერიო საბრძოლო მასალაც შევა.
შეგახსენებთ, რომ აშშ-ს დახმარების უდიდესი ნაწილი იმ $40 მილიარდის პაკეტიდან მოდის, რომელიც კონგრესმა მაისში დაამტკიცა.
Loading ...