Politico-ს სტატიაში წერია, რომ აშშ-ის სახელმწიფო დეპარტამენტის სანქციების კოორდინატორის, ჯიმ ო’ბრაიენის განცხადებით აშშ-მა გამოავლინა 5 ქვეყანა, რომელიც ხელს უწყობს რუსეთის მიერ სანქციებისთვის თავის არიდების პრობლემას, ერთ-ერთი საქართველოა.
სახელმწიფო დეპარტამენტის სანქციების კოორდინატორმა, ევროკავშირის ღონისძიებაზე თქვა, რომ საქართველო, ყაზახეთი, სომხეთი, გაერთიანებული საემიროები და თურქეთი რუსეთს აწვდიან, ისეთი ელექტროტექნიკას, რაც სანქციების წესებით რუსეთში არ უნდა შედიოდეს.
ო’ბრაიენის თქმით, პრობლემა არის ის, რომ ევროპული კომპანიები ყიდიან მასალებს სხვა ქვეყნებს, რომლებიც, შემდეგ ამ მასალებს რუსეთში ყიდიან.
“ძირითადი მიკროჩიპებისა და ელექტრონიკის ექსპორტი, რომელიც რუსეთს მისი ომის მანქანისთვის ესაჭიროება, დაუბრუნდა ომამდელ დონეს, რადგან რუსეთი სანქციების გვერდის ავლაში უკეთესი გახდა. ამ წლის დასაწყისისთვის რუსეთს შეეძლო ელექტრონიკის გარკვეული ძირითადი კატეგორიების ხელახალი იმპორტი, დაახლოებით ომამდელ დონეზე, რაც გულისხმობდა ჩიპებს, პროცესორებს და ინტეგრირებულ სქემებს, რომლებიც თანამედროვე იარაღის დამზადებისთვის არის საჭირო.”– ამბობს ო’ბრაიენი.
ამ ფონზე კი ამერიკული გამოცემა CNBC-ი წერს, რომ ევროკავშირი და დიდი შვიდეულის მოკავშირეები, შეზღუდვებს დაუწესებს ყველას, ვინც რუსეთს სანქციების გვერდის ავლაში ეხმარება.
Loading ...