აშშ-ის მთავრობა „რემდესივირის“ პაციენტებისთვის მიწოდებას მიმდინარე კვირიდან იწყებს

აშშ-ის ფედერალური მთავრობა „რემდესივირის“ ათობით ათასობით კურსისთვის საჭირო რაოდენობის პაციენტებისთვის მიწოდებას მიმდინარე კვირიდან იწყებს, – ამის შესახებ კომპანია „გილიადის“ აღმასრულებელმა დირექტორმა, დენიელ ოდეიმ განაცხადა.

მისივე თქმით, აშშ-ის მთავრობა განსაზღვრავს, თუ რომელი ქალაქებია ყველაზე მეტად მოწყვლადი და სად არიან პაციენტები, რომლებსაც აღნიშნული მედიკამენტი ყველაზე მეტად ესაჭიროებათ.

„ვაპირებთ, პრეპარატი პაციენტებს მომავალი კვირის დასაწყისში მივაწოდოთ. მთავრობასთან მუშაობას ვიწყებთ, რომელიც განსაზღვრავს, თუ რომელი ქალაქების პაციენტებს ესაჭიროებათ მედიკამენტი ყველაზე მატად“, – განაცხადა დენიელ ოდეიმ.

შეგახსენებთ, 2 მაისს აშშ-ის სურსათისა და მედიკამენტების ადმინისტრაციამ „კოვიდ 19-ის“ სამკურნალოდ „რემდესივირის“ გამოყენებისთვის ნებართვა გასცა.

www.interpressnews.ge