აშშ-ის ელჩი – იმედგაცრუებული ვართ, რომ უზენაესი სასამართლოს მოსამართლეთა დანიშვნის პროცესი გაგრძელდა დაჩქარებით

იმედგაცრუებული ვართ იმით, რომ ეს პროცესი გაგრძელდა დაჩქარებით, მიუხედავად იმისა, რომ არსებობს სხვა პრიორიტეტები, რომლებზეც უნდა მოხდეს დაჩქარება და არ ხდება, – ასე აფასებს საქართველოში აშშ-ის ელჩი კელი დეგნანი უზენაესი სასამართლოს მოსამართლეების დანიშვნის პროცესს.

ელჩის განმარტებით, გასათვალისწინებელია, რომ სასამართლო რეფორმის განხორციელების მნიშვნელობას თავად მმართველი პარტიის წარმომადგენლები დათანხმდნენ.

,,იუსტიციის უმაღლეს საბჭოში არის 5 ვაკანტური პოზიცია არამოსამართლე წევრებისთვის, ეს პოზიციები თავისუფალია თვეების მანძილზე და რატომღაც, არავინ არ ჩქარობს, რომ შეივსოს, მაშინ, როდესაც ისინი წარმოადგენენ ხალხის აზრს სასამართლო სისტემაში, შესაბამისად ეს რთული ასახსნელია. ასევე გასათვალისიწნებელია, რომ თავად მმართველი პარტიის წარმომადგენლები დათანხმდნენ სასამართლო რეფორმის განხორციელების მნიშვნელობას. მნიშვნელოვანია ინკლუზიური და სრული სასამართლო რეფორმის განხორციელება“, – აღნიშნა კელი დეგნანმა.

ცნობისთვის, პარლამენტმა ხმათა უმრავლესობით, უზენაესი სასამართლოს მოსამართლეობის ოთხ კანდიდატს მხარი დაუჭირა. პარლამენტის გადაწყვეტილებით, უზენაეს სასამართლოში უვადოდ დაინიშნენ: ნინო სანდოძე, თეა ძიმისტარაშვილი, გენადი მაკარიძე და თამარ ოქროპირიძე.