აშშ ვლადიმერ პუტინის ქალიშვილებსა და სერგეი ლავროვის ოჯახს სანქციებს უწესებს

აშშ ვლადიმერ პუტინსა და რუსეთზე ეკონომიკური ზეწოლის გასაძლიერებლად დამატებითი ქმედებების განხორციელებას გეგმავს.

„CNN-ის ინფორმაციით, დღეს ახალი სანქციების შესახებ დაანონსდა, რომლებიც რუსეთის საფინანსო დაწესებულებების, ვლადიმერ პუტინის ქალიშვილებისა, ასევე საგარეო საქმეთა მინისტრის ოჯახის წინააღმდეგ იქნება მიმართული.

„დღეს ჩვენ მკვეთრად ვამკაცრებთ ფინანსურ შოკს, როდესაც შემოგვაქვს სრულიად მაბლოკირებელი სანქციები რუსეთის უმსხვილესი საფინანსო დაწესებულების, „სბერბანკის“ და რუსეთის უმსხვილესი კერძო ბანკის – „ალფა ბანკის“ წინააღმდეგ“ , – განუცხადა ჟურნალისტებს პრეზიდენტის ადმინისტრაციის მაღალჩინოსანმა ბრიფინგზე.

მისი ინფორმაციით, დღეისთვის აშშ-მა სრულად დაბლოკა რუსეთის საბანკო სექტორის ორი მესამედი.

წარმომადგენლის განცხადებით, „დიდი შვიდეულთან და ევროკაშირთან თანამშრომლობით რუსეთში ახალი ინვესტიციების აკრძალვის შესახებ აცხადებენ“.

მისი თქმით, ეს განხორციელდება ბრძანებით, რომელსაც ხელი აშშ-ის პრეზიდენტმა ჯო ბაიდენმა მოწერა.

ადმინისტრაციას ასევე შემოაქვს სრულიად მაბლოკირებელი სანქციები რუსეთის ელიტისა და მათი ოჯახის წევრებთან დაკავშირებით, მათ შორის, ვლადიმერ პუტინის ზრდასრულ ქალიშვილებთან – მარია პუტინთან და კატერინა ტიხონოვასთან, საგარეო საქმეთა მინისტრის სერგეი ლავროვის მეუღლესა და ქალალიშვილთან, ასევე რუსეთის უშიშროების საბჭოს წევრებთან , მათ შორის, ყოფილ პრეზიდენტთან და პრემიერ – მინისტრთან დიმიტრი მედვევთან და მიხეილ მიშუსტინთან დაკავშირებით.

მისივე თქმით, აშშ-მა უკვე შემოიღო სანქციები 140-ზე მეტ ოლიგარქთან და მათი ოჯახის წევრებთან დაკაშირებით, ასევე 400-ზე მეტ სამთავრობო ჩინოსათან მიმართებაში.

აშშ ასევე გამოიყენებს სრულიად მაბლოკირებელ სანქციებს უმნიშვნელოვანეს მსხვილ რუსულ სახელმწიფო საწარმოებთნ დაკაშირებით, რის შესახებაც ფინანსთა მინისტრი ხუთშაბათს გამოაცხადებს.

ადმინისტრაციის წარმომადგენელმა ამერიკის მიერ რუსეთის ეკონომიკის წინააღმდეგ გატარებული ზომების დამღუპველი გავლენის შესახებაც ისაუბრა.

„პროგნოზების მიხედვით, რუსეთის მთლიანი შიდა პროდუქტი წელს ორნიშნა რიცხვამდე შემცირდება. მხოლოდ ამ წელს, ეკონომიკური შოკი მსოფლიო სავალუტო ფონდის პროგნოზით, ბოლო 15 წლის ეკონომიკურ მიღწევას გაანადგურებს“ – განაცხადა ადმინისტრაციის წარმომადგენელმა.

კითხვაზე, რომელიც სანქციების ეფექტურობას უკავშირდებოდა ომის შეჩერებასთან დააკვშირებით, მან განაცხადა, რომ პუტინს, საბოლოო ჯამში, მოუწევს თავის ხალხს ანგარიში გაუწიოს.