აშშ-დან საქართველოს მოქალაქეთა ერთი ჯგუფის დეპორტაცია განხორციელდა

საქართველოს დევნილთა, შრომის, ჯანმრთელობისა და სოციალური დაცვის სამინისტრომ გაავრცელა ცნობა, რომ თბილისის საერთაშორისო აეროპორტში ამერიკიდან დეპორტირებულ საქართველოს მოქალაქეებს ადგილზე მინისტრის მოადგილე გიორგი ცაგარეიშვილი დახვდა, რომელმაც განაცხადა, რომ სახელმწიფოს მზად არის დახმარება გაუწიოს სამშობლოში დაბრუნებულ მოქალაქეებს.

გია ცაგარეიშვილის სიტყვებით, ყველა დეპორტირებული ადამიანის საბუთებს „ინდივიდუალურად განიხილავენ“ და მათ „შესაბამის დახმარებას გაუწევენ“:

„იმისთვის, რომ სწრაფად შეძლონ საზოგადოებაში ინტეგრაცია. ღირსეულად დასაქმდნენ და აქ, საქართველოში შექმნან თავიანთი მომავალი. არ იფიქრონ იმაზე, რომ არალეგალურად თუ ლეგალურად გადაიხვეწნონ საქართველოდან და იქ ეძებინ უკეთესი ხვედრი“, – ამბობს გია ცაგარეიშვილმა.

ჯანდაცვის სამინისტროს ცნობით, მათ დეპორტირებულ საქართველოს მოქალაქეებს მიაწოდეს დეტალური ინფორმაცია სახელმწიფო პროგრამებისა და მხარდაჭერის სერვისების შესახებ, რომლებიც რეინტეგრაციის პროცესში მათ საზოგადოებაში ადაპტაციას შეუწყობს ხელს.