აქციის მონაწილეებმა რუსთაველის გამზირი გადაკეტეს – პოლიცია გზის გახსნას ითხოვს

აქციის მონაწილეებმა რუსთაველის გამზირზე საავტომობილო მოძრაობა გადაკეტეს.

პარლამენტის წინ საპროტესტო აქციები 326 დღეა მიმდინარეობს. ისინი ითხოვენ ახალი საპარლამენტო არჩევნების დანიშვნას და პროტესტის პერიოდში დაკავებულების გათავისუფლებას.

აქციის მონაწილეებს პოლიციამ გზის გათავისუფლებისკენ მოუწოდა.

„მოგიწოდებთ გადახვიდეთ გზის სავალი ნაწილიდან, წინააღმდეგ შემთხვევაში გამოყენებული იქნება კანონით გათვალისწინებული ზომები“, – მიმართა პოლიციამ მომიტინგეებს.

აღნიშნულ მოწოდებას მოქალაქეები სტვენით და შეძახილებით შეხვდნენ, ადგილზე საავტომობილო მოძრაობა კვლავ გადაკეტილია.

შეგახსენეთ, გუშინ, 18 ოქტომბერს, აქციის მონაწილეებმა რუსთაველი გარკვეული პერიოდით გადაკეტეს.

დღეს დილიდან პოლიციამ დაიწყო რუსთაველის გამზირზე 18 ოქტომბრის საპროტესტო აქციის მონაწილეების დაკავება. დაკავებულთა შორის არის „ფორმულას“ ჟურნალისტი და ტელეწამყვანი ვახო სანაია.

ოფიციალური ინფორმაციით, რუსთაველის გამზირზე 18 ოქტომბერს მიმდინარე აქციასთან დაკავშირებით ადმინისტრაციულ სამართალდარღვევათა კოდექსის შესაბამისად, 14 სამართალდამრღვევი პირი დააკავეს,