აფხაზეთის დე ფაქტო რესპუბლიკის უზენაესი სასამართლოს ადმინისტრაციულ საქმეთა და ადმინისტრაციულ სამართალდარღვევათა საკასაციო კოლეგიამ საპრეზიდენტო არჩევნები ბათილად აღიარა, რითაც დააკმაყოფილა საპრეზიდენტო კანდიდატის, ალხას კვიცინიას საკასაციო საჩივარი, რომელიც ეხებოდა უზენაესი სასამართლოს 2019 წლის 20 სექტემბრის გადაწყვეტილებას. ეს გადაწყვეტილება მოჰყვა საპრეზიდენტო არჩევნების შედეგების თაობაზე ცენტრალური საარჩევნო კომისიის გადაწყვეტილების უკანონოდ და ბათილად გამოცხადების მოთხოვნის სარჩელს .
მოსამართლე ტემურ ტარბას სიტყვებით, ცენტრალური საარჩევნო კომისიის გადაწყვეტილება არჩევნების შედეგების შესახებ ბათილად გამოცხადდა და დაინიშნა განმეორებითი არჩევნები კანონით გათვალისწინებულ ვადებში. სასამართლომ დაავალდებულა საარჩევნო კომისია, დანიშნოს ახალი საპრეზიდენტო არჩევნების თარიღი. გადაწყვეტილება ძალაშია 10 იანვრიდან.
www.radiotavisupleba.ge
Loading ...
