ასპინძაში მეხის დაცემის შედეგად 1 ადამიანი გარდაიცვალა

სამხრეთის კარიბჭის ცნობით, დღეს, 10 სექტემბერს ასპინძის მუნიციპალიტეტის სოფელ ოთასთან მეხის დაცემის შედეგად ერთი კაცი დაშავდა, მეორე კი გარდაიცვალა.

როგორც სამხრეთის კარიბჭეს ასპინძის მუნიციპალიტეტის მერმა, როსტომ მაგრაქველიძემ განუცხადა, “ვესაუბრე სატყეოს წარმომადგენელსაც, დაშავებულები იყვნენ, შედეგი დამდგარი რა არის არ ვიცი. მე გარდაცვალებაზე ინფორმაცია არ მაქვს, როცა დავრეკე ვიცი, რომ ელოდებოდნენ სასწრაფოს და უნდა გადაეყვანათ სამედიცინო დაწესებულებაში. მერე აღარ მაქვს ინფორმაცია. თან იქ ტყეა არ იჭერს ტელეფონი, როგორც მითხრეს შეშის დასამზადებლად იმყოფებოდნენ. ორი იყო დაშვებული და რამდენი იმყოფებოდა არ ვიცი”.

საგანგებო სიტუაციების კოორდინაციისა და გადაუდებელი დახმარების ცენტრის ინფორმაციით, მათ ინფორმაცია უბედური შემთხვევის  შესახებ მიაწოდეს, ადგილზე მისულ სასწრაფოს 1 პირი გარდაცვლილი დახვდათ, მეორე კი ახალციხის ევექსში გადაიყვანეს.