“ასობით დაღუპული და ასობით დაჭრილი, ეს, რა თქმა უნდა კატასტროფაა” – პუტინი

რუსეთის ფედერაციის პრეზიდენტმა ვლადიმერ პუტინმა ღაზაში საავადმყოფოზე თავდასხმას ტრაგედია და ჰუმანიტარული კატასტროფა უწოდა.

პუტინმა კონფლიქტის მალე დასრულების იმედიც გამოთქვა.

„რაც შეეხება საავადმყოფოზე დარტყმას, ეს არის უბრალოდ საშინელება, ასობით დაღუპული და ასობით დაჭრილი, ეს, რა თქმა უნდა, კატასტროფაა. ვიმედოვნებ, რომ ეს შემთხვევა იქნება სიგნალი ყველასთვის, რომ ეს კონფლიქტი მალე დასრულდეს, გარდა ამისა, მე როდესაც რეგიონის ლიდერებს ვესაუბრე შემექმნა შთაბეჭდილება რომ ამ ომის გაგრძელება და გაფართოება არავის უნდა. ჩვენ უნდა დავასრულოთ ეს კონფლიქტი რაც შეიძლება სწრაფად“, – აცხადებს პუტინი.

შეგახსენებთ, ღაზაში მდებარე საავადმყოფოზე თავდასხმის შედეგად, სულ მცირე 500 ადამიანი დაიღუპა.

გამოცემის ინფორმაციით, პალესტინური მხარე იერიშში ისრაელს ადანაშაულებს, თუმცა ისრაელის ჯარის პრესსამსახურში აცხადებენ, რომ ინციდენტის მიზეზი ამ ეტაპზე უცნობია და შესაბამისი უწყებები მის დადგენაზე მუშაობენ. საუბარია ალ-ალი არაბის ჰოსპიტალზე, რომელიც ღაზა სიტის ცენტრში მდებარეობს.