”არ გვინდა სოფლის დატოვება, განსაკუთრებით ბავშვებს უჭირთ” – რეპორტაჟი სოფელ გოგორეთიდან

გოგორეთში, რომელიც მერიის თემს ეკუთვნის, ისეთივე მძიმე მდგომარეობაა, როგორც ოზურგეთის არაერთ, სტიქიისგან დაზიანებულ სოფელში. დაზიანებული ინფრასტრუქტურის გაწმენდითი სამუშაოები აქტიურად მიმდინარეობს, თუმცა სოფელში მოიშალა ფაქტიურად ყველა კომუნიკაცია, მოსახლეობას დაემეწყრა სახლები, ეზოები და სასოფლო სავარგულები. როგორც ადგილობრივები ამბობენ, მათი მთელი ცხოვრების შრომის შედეგი მეწყერმა წაიღო, თუმცა უჭირთ მშობლიური სოფლის დატოვებასა და სხვაგან ცხოვრებაზე ფიქრი.