გურჯაანის მუნიციპალიტეტის სოფელ ვაზისუბანში ორი ადამიანი მოკლეს. არაოფიციალური ინფორმაციით, კონფლიქტის ნიადაგზე, ქმარმა ცოლი მოკლა, შემდეგ კი მეზობელი.
“ამბები.გე”-ს ინფორმაციით, კაცმა მეუღლე სანადირო თოფით მოკლა, რის შემდეგაც მეზობლებს და ცოლის ძმას ესროლა. არსებული ინფორმაციით, ორი დაშავებული გურჯაანის საავადმყოფოშია გადაყვანილი.
როგორც „ინტერპრესნიუსსა“ შსს-ში განუცხადეს, მკვლელობის ფაქტზე გამოძიება დაიწყო. როგორც უწყებაში განმარტეს, ამ ეტაპზე აქტიური საგამოძიებო, სამძებრო და ოპერატიული ღონისძიებები მიმდინარეობს. მომხდარის სხვა დეტალები ამ ეტაპზე უცნობია.
მკვლელობის ფაქტს შინაგან საქმეთა სამინისტრო სისხლის სამართლის კოდექსის 109-ე მუხლით იძიებს.
კომენტარები
Loading ...
