“არის საკანონმდებლო წინადადება ლგბტ მარშებისა და შესაბამისი ფერადი ნივთების აკრძალვის შესახებ” – პაპუაშვილი

4 აპრილს ერთპარტიული პარლამენტის ბიუროს სხდომაზე სადავო ლეგიტიმაციის მქონე პარლამენტის თავმჯდომარემ, შალვა პაპუაშვილმა თქვა, რომ საკანონმდებლო ორგანოში შესულია ინიციატივა ლგბტ მარშებისა და შესაბამისი ფერადი ნივთების აკრძალვის შესახებ. მისი თქმით, ეს ინიციატივა განსახილველად ადამიანის უფლებათა კომიტეტს გადაეცემა.

პარლამენტის საიტზე საკანონმდებლო ინიციატივის დოკუმენტი ჯერ არ იძებნება. პრესსამსახურის ცნობით, ის, სავარაუდოდ, დღის ბოლოსთვის აიტვირთება;

საქართველოში ლგბტ მარში არასოდეს გამართულა – სექსუალური უმცირესობების წარმომადგენლები მუდმივად საუბრობენ საქართველოში მათთვის შეკრებისა და გამოხატვის უფლების რეალიზაციის შეუძლებლობაზე. ყველა მცდელობა “ქართული ოცნების” ხელისუფლებაში ყოფნის დროს, რომ ლგბტქ+ ადამიანებსა და მათ მხარდამჭერებს საჯარო სივრცეში მოეწყოთ ხილვადობის გასაზრდელი ღონისძიებები, მათზე ძალადობით დასრულდა. არცერთი ძალადობრივი თავდასხმის ორგანიზატორი ამ დრომდე დასჯილი არ არის. ყოველ წელს არაერთი ღიად გეი, ლესბოსელი და ტრანსგენდერი ადამიანი ტოვებს საქართველოს და თავშესაფრის საძებნელად ევროკავშირის ქვეყნებში მიდის.